Тыва Үндезин культура төвүнде январь 26-27 хүннеринде “ТАР-ның 100 чылдаанының суй белээ” мөөрейниң киржикчилериниң ажылдарының делгелгезин организстаан.
Бо мөөрейни турисчи суй белек продукциязын рынокка сайзырадыр база улусчу уран чүүлдү, ус ажылдарны катап тургузар, хөгжүдер сорулга-биле эрттирип турарын @tmgnews17 дыңнадып тур.
Мөөрейге бүгү республиканың ус-шевер мастерлериниң 100 ажыг ажылдарын киириштирген. Түңнелинде ыяштан, даштан, шаажаңдан, кидистен, хөмден, сөөктен эң эки суй белектерни, ол ышкаш эң онзагай ювелирлиг, бир янзы суй белектерни, 100 чылдаанның тергиин каасталгазын, тергиин ойнаар-кызын шилээш, номинация аайы-биле тиилекчилерни шаңнап-мактаар.
