Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Кызыл
08 декабря, чт
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

АПТЕКАЛАРДА МАСКАЛАР БАР БЕ?

17 апреля 2020
7

Бүгү делегейде дүвүрелдиг байдалды тургузуп турар коронавирус хамчыындан Тываның чурттакчы чону камгаланып, ону нептеретпезин болдурбас дээш бот-хоргадаар чурумну сагып турар. 2019-nCoV аарыгдан камгаланырының бир аргазы – камгалал маска кедери. Ынчангаш сөөлгү үеде “дефицит” апарган маскалар кижи бүрүзүнүң хереглелинде.  

Бо хүнде Кызыл хоорайның аптекаларында байдалды @tmgnews17 корреспондентизи өөренип көрген.

Калинин кудумчузунда “Феу” аптеказында чаңгыс катап ажыглаар маскалар чок болду. Эмчи маскалары бүдүрүп турар хандырыкчы заводтардан маскалар келбейн турар азы өртээ аар болганындан чагыг киирбейн турар дээрзин аптеканың ажылдакчызы чугаалады. Ынчалза-даа, чоннуң хереглели улуг болганда, аргазын тып, республиканың караа көрбестер ниитилели-биле дугуржулга езугаар оларның бүдүрген маскаларын 50 рубльге садып эгелээн. Марляны ситец пөс-биле даштап каан маскаларны чон күзелдии-биле садып ап турар. Ол ышкаш “Феу” аптека бо хүннерде Новосибирск хоорайдан чагыг езугаар маскаларны манап турарын дыңнатты.

“Азия-фарм” аптеказы күрүнениң унитарлыг бүдүрүлгези “Ресфармацияга” хамааржыр-даа болза, ында база чаңгыс катап ажыглаар маскалар чок болду. Республиканың караа көрбестер ниитилелиниң даараан маскаларын 40 рубль 20 көпеекте садып турар. Чаңгыс ажыглаар эмчи хол-хавының өртээ ында 8-10 рубль (размер аайы-биле).

Найысылалдың төвүнде, Ленин кудумчузунда 20 дугаарлыг аптекада марлядан даараан маскаларның өртээ 60 рубль. Оон ырак эвесте “Абакан-косметик” КХН-ге хамааржыр “Эдельвейс” аптекада кандыг-даа маска сатпайн турар болду. Ында чаңгыс кедер эмчи хол-хавының өртээ мырыңай 16 рубль. Ол аптеканың ажылдакчылары кажан маскалар келирин билбес болдулар. 

Ниитизи-биле найысылалдың 7 аптеказында чаңгыс катап ажыглаар эмчи маскалары чок-даа болза, хөй катап ажыглаар маскаларны 40 рубльден өрү өртекке чурттакчы чонга садып турар.