Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Кызыл
08 декабря, чт
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Автомашиналар дүлгүүрлерин тывыскан

17 апреля 2020
7

Апрель 16-да Тываның Баштыңы Шолбан Кара-оол республиканың №1 эмнелгезиниң терапия корпузунга чедип, “Чаңгыс демниг Россия” партиязының эрттирип турары “Эмчилерге четтирдивис” деп бүгү-российжи акция чорудуу-биле саткан, дүрген эмчи дузазы чедирер автомашиналар дүлгүүрүн тывыскан.

Халдавырлыг коргунчуг аарыг-биле демиселдиң бирги одуруунда уйгу-чыдынын уттупкаш, дүн-хүн дивейн ажылдап турар эмчилерге бүгү талалыг дузаны чедирери – акцияның сорулгазы бооп турарын Тываның Баштыңы чугаалаан.

“Мындыг берге үеде бот-боттарывысты деткижип чоруурулуңар. Ылаңгыя кызыгаарлаттынган чурумнуг бо үеде кижи бүрүзүнге, өг-бүлелерге, ылаңгыя аныяктарга дыка берге деп билип тур мен. Ал-бодуңарны, чоок кижилериңерни камгалап, камнаңар деп, анаа эвес катап-катап чугаалап турар бис. Чамдык улуср ону угаап билбейн, бир-ле оюнчук кылдыр бодаар чүве бе, анаа хөк бодаар. Дүүн база, Москвага ажылдап тургаш аарааш, самолеттап эвес, а поездилеп чанып келген бир чаңгыс чер-чурттуувус аныяк уругдан аарыгны илереткенин хомудал-биле дыңнадыйн. Анализин катап-катап хынааш, Новосибирскиже чоруттувус, ам ооң харыызын манап тур бис. Эмчилерниң сүмелээни-биле ол кижиге бот-хоргадаар негелдени тургускан. Мону чүге чугаалап турарым дээрге, эмчилерниң сүмелерин эдерип, тургустунган социал дистанцияны сагып, бот-боттарыңарны дыңнажып, билчип, удур-дедир карактажып чорууңарны диледим. Шынап-ла байдал нарын.

Бо берге үеде аарыгның когун үзүп, тиилээр дээш, өг-бүлезинден, ажы-төлүнден хонук-хонуу-биле озалааш байдалда ажылдап чоруур эмчилеривиске сагыш-сеткиливис-биле-даа болза дузалаалыңар, чонум. Бо талазы-биле республиканың Дээди Хуралының депутаттары үлегер болуп, соңгукчуларының округтарынга чедип, боттуг дузаны көргүзүп турарын көрүп тур мен. Ындыг хевирлиг эгелекчи акциялар ам-даа уламчылаар.

Бо үеде бүгү чуртта “Чаңгыс демниг Россия” партияның эгелээшкини-биле “Эмчилерге четтирдивис” акция калбаа-биле чоруп турар. Партияның шугуму-биле Россия Федерациязының шупту регионнарынга дүрген эмчи дузазының автомашиналарын дамчыткан. Республиканың №1 эмнелгезиниң терапия корпузунуң эмчилеринге база чолаачыларынга тускай техниканың дүлгүүрүн бөгүн дамчыдып тур бис. Бирээде, “Чаңгыс демниг Россия” партияның базымы-биле, боттарының акша-хөреңгизин чыып тургаш, саткан автомашина-дыр. Тывада аңгы-аңгы ведомстволар, яамылар мурнундан акша-хөреңгини чыгжып тургаш, мындыг дузалал шимчээшкинге киржип турар бис. Эң кол чүве, бистиң Тывада мындыг автомашиналар ховар болдур ийин. Малчыннарже безин чеде бээр, дөрт дугую дөгерези тевер, бензинге камгалгалыг, дүрген чедип болур эки машина-дыр бо. Ынчангаш, “Чаңгыс демниг Россия” партиязынга четтирдивис, эр-хейлер. Оон аңгыда чазактың үш автомашиназын поликлиникада быжыглап каанын дыңнадыйн. Чазак машиналарын эмчилерниң хереглел ажыглалынга дээш белеткээн улус бис. Республика эмнелгезиниң улуг эмчизиниң дужаалы-биле, оларны эмнелгелерде хуваап каан бооп турары эки-дир” – деп, Тываның Баштыңы чугаалаан.