Кызыл хоорайның чурттакчы чонну ажылга хаара тудар төпке аңгы-аңгы айтырыгларлыг, ылаңгыя ажыл чоктарга пособиениң хемчээлиниң дугайында билип алыксаан чон хөйү кээп турарын @tmgnews17 дыңнадып тур. Чурттакчы чонну ажылга хаара тудар төптүң специалистериниң дыңнатканы-биле, ажыл чоктарга 3 ай дургузунда төлеп бээр пособиениң кудуку хемчээли 2100 рубль.
Ол пособиени кандыг кижилерге тыпсыр: бир дугаар ажыл дилеп келген, сөөлгү чылда 26 календарьлыг неделя (8 шактап) дургузунда ажылдаан, бир чыл дургузунда ажылдаваан, ажыл чурумун үрээн дээш ажылындан үндүрткен, хуу сайгарлыкчы ажылын соксаткан, сөөлгү ажылдаан черинге хамааты-хоойлу хевирлиг азы авторлуг керээ езугаар дуза көргүзүп турган болза, мурнунда чылдарда бүдүрүлге кооперативиниң (артель) кежигүнү турган болза, фермер ажыл-агыйының кежигүнүнден үнген болза, сөөлгү ажылдаан черинден сөөлгү үш айның ажыл шалыңының шынзылгазын бербээн.
Ажыл чоктарга пособиениң эң улуг хемчээли - 16982 рубль. Бо пособиеге сөөлгү чылда 26 неделядан эвээш эвес ажылдаан, кызырылдага таварышкан азы ажылдап турган албан чери хагдынган таварылгада ажылындан үндүрткен хамаатылар алыр аргалыг.
Чижээлээрге, бир хамааты 2019 чылдың март 15-тен ол-ла чылдың декабрь 9-ка чедир ажылдааш, ажылындан үндүрткен-дир. Ынчап кээрге бо хамаатының ажыл стажы 38 неделя, 3 хонук болганда, ол улуг хемчээлдиг пособиени алыр эргелиг.
В Тандинском районе проинспектировали ход строительства объектов
Сегодня в рамках рабочего визита заместитель Председателя Правительства Республики Тыва Айдын Чюдюк совместно с первым заместителем министра строительства Тувы Салимом Санчы и директором ГКУ «Госстро…