Сентябрьның 25-тен октябрьның 1-ге чедир Тывада 264 кижи чидиг респираторлуг вирустуг халдавыр аарыгдан аараан. Эрткен неделяга көөрде, аарыыр чорук 2,5 катап көвүдээн.
Росхереглелхайгааралдың Тыва Республика талазы-биле эргелели медеглээни болза, 39-ку неделяда 10 муң чурттакчыга онааштыр 7,8 кижи тыныш инфекцияларындан аараан, эпидемиологтуг байдалдан 80,9 хуу эвээш. Эрткен неделяда 10 муң чурттакчыга онааштыр – 3,1 турган.
14 харга чедир уруглар чидиг респираторлуг вирустуг халдавыр аарыгны өскелерден аар эртип турарын статистика көргүскен. Эрткен неделяда стационарже кирген 49 кижиниң шуптузу уруглар болган. Аараан уругларның 60 хуузу 0-тен 14 харга чедир назылыг.
Шинчилээн биоматериалдарда грипп вирустарны чок болган. Колдуунда риновирустар база аденовирустар илереттинген. Үстүкү болгаш адаккы тыныш оруктарын аартыр бокавирус эрткен неделяда тывылган.
Тываның Кадык камгалал яамызы чурттакчы чонну тарыдып алырынче кыйгырган. Грипп эпидемиязын болдурбас дизе, чурттакчы чоннуң 60 хуузу, азы 199 муң кижи тарыткан турар ужурлуг. Эмнелге албан черлеринде чогуур вакциналар бар.
Кызыл хоорайның поликлиникаларында, республиканың 1 дугаар эмнелгезинде, кожууннар эмнелгелеринде база кожууннар аразының эмнелге төптеринде тарылга пунктулары ажылдап турар. Планның 30 хуузу хире, азы республикада 59745 кижи октябрь 1-ге чедир тарыткан.
Грипп халдавырындан камгаланыр дизе...
5 октября 2023
19