Чаа өөредилге чылы эгелээни-биле чидиг респираторлуг вирустуг халдавыр аарыы нептерээнин Росхереглелхайгааралдың Тыва Республика талазы-биле эргелели дыңнаткан.
Чылдың 37-ги неделязында, Тывада чидиг респираторлуг вирустуг халдавыр аарыы ийи катап көдүрлүп, 51-ден 105 четкен. Тываның Баштыңы Владислав Ховалыгга неделяның эпидемиологтуг байдалының дугайында илеткээн.
Ооң мурнунда чылдарда ышкаш, школалар аарыгның кол өскүүр чери болганын статистика бадыткаан. Аараан кижилерниң 80 ажыг хуузу – уруглар. Чидиг респираторлуг вирустуг халдавырдан аарааш эмнелгеге киргеннериниң 73,6 хуузу база-ла уруглар. Неделяда аараан 32 таварылганың алдызы, азы 5,3-зы 14 харга чедир уруглар.
Тывада эпидемиологтуг сезонга чедир, дөрт неделяның ПЦР-шинчилелдеринден көөрге, аараан уругларның 80 хире хуузу аденовирустан аарып турар. Ийиги черде – риновирус. Грипп, ковид болгаш өске-даа вирустар илереттинмээн.
Республикада чидиг респираторлуг вирустуг халдавырдан аараан чоруктар немешсе-даа, эпидемияга чедир ам-даа элек. Халдавырдан аарыыры эпидемиологтуг байдалга ам-даа 90,3 хуу четпес. Ындыг болзажок, сезоннуг гриппке удур чурттакчы чонну тарыдарын дүргедедир херек.
Аарыгларга удур тарыышкынның федералдыг календары езугаар, 2023 чылда Тывага чурттакчы чоннуң 60 хуузун, азы 199,5 муң кижини тарыдар, ооң иштинде 92,6 муң бичии уругларны.
Республикада гриппке удур Ультрикс Квадри вакцинаның бирги партиязы чедип келген. Ол Совигрипп вакцина-биле дөмей. Ол ийи вакцинаның кайызын-даа алды айдан өрү, каш-даа харлыг кижилерге садып болур.
В селе Кочетово состоялись соревнования по национальной борьбе «Хуреш»
Накануне в селе Кочетово Тандинского района потомки тувинского добровольца Оюна Соктая Мумбар оглу организовали соревнования по традиционной тувинской борьбе хуреш, в которых приняло участие 115 борц…