Хамааты ужар чүүлдүң эгези

1946 чылдың июль 13-те Кызыл хоорайга тускай ажыглалдың хамааты-агаар флодунуң 273 дугаарлыг отряды тургустунган. Ооң штады 13 ужудукчудан, 8 авиатехниктен, 5 авиамотористен, 2 радистен, 3 аэропорт ажылдакчызындан хевирлеттинген турган.

Аэропорттуң бүгү ажылдакчылары 5×7 метр хемчээлдиг чаңгыс бажыңга сыңчып турган. Авиаотряд По-2 деп 4 самолеттуг.

Ол болуушкун Тывага хамааты ужар чүүлүнүң сайзыралынга эгени салган. Ол-ла чылдың ноябрьдан тура Кызыл – Самагалдай – Эрзин болгаш Кызыл – Чадаана – Өвүр деп иштики авиарейстерни киирген.

1948 чылда Кызыл-Красноярск аразынга доктаамал авиарейстер ужуп эгелээн.

Чурукта: Командир Ховалыг Хопуя ужудуушкунну сайгарып турар үеде.