Мөөрейниң эртер хуусаазын август 25-че чылдырган

Тыва Википедияда «Марафон Миллениум» деп шаңналдыг мөөрейниң эртер хуусаазын август 25-че чылдырган.

Мөөрейге киржир күзелдиглерниң саны эвээш боорга, ону чылдырар ужурга келген. Мөөрейниң дугайында дараазында шөлүлгеже базыпкаш нопчуп ап болур https://tyv.wikipedia.org/wiki/Мөөрейлер/..

Шаңналдарның ниити түңү – 200 муң рубль. Ону ийи улуг кезекке 100-100 муң рубль кылдыр чарган.

Кезек бүрүзү сес шаңналдыг болур: I чер – 30 муң рубль, II чер – 20 муң рубль, III чер – 15 муң рубль, IV чер – 10 муң рубль, V чер – 8 муң рубль, VI чер – 7 муң рубль, VII чер – 5 муң рубль, VIII чер –5 муң рубль.

«Эртем темазын хөй чырытканы» деп тускай номинацияның шаңналы
– бир хой.