Тываның чурттакчылары 2015 чылдың март 1-ге чедир чурттаар бажыңнар тудуп алган боттарының чер участоктарын бөдүүнчүткен чурум-биле хоойлу езугаар күштүг кылдыр кылдырып ап болур.
Ажыл-агыйжы болгаш хамааты ажыглалда кылдыр долдуртунмаан чер участоктарын хаара тудар дээн регион чазааның идип үндүргени чогуур өскертилгелерин “Чер дугайында” республиканың конститусчу хоойлузунче кииргени-биле, ындыг арга тургустунган.
ТР-ниң Чер болгаш өнчү хамаарылгаларының яамызы ол ачы-дузаны дараазында негелделерни сагаанда халаска база чүгле чаңгыс катап 2025 чылдың төнчүзүнге чедир кылырын сагындырган: бирээде, чуртталга бажыңы чуртталга тудуунуң кызыгаарынче кирбейн турар девискээрге хамааржыр чер участогунда турар ужурлуг, ийиде, бажыңны доктаамал чурттаарынга ажыглаар ужурлуг.
Хамааты кижи бажың туткан участогун өнчүже алырда, тус чер бот-башкарылга органының тускай төлээлеттинген органынче хоойлужудар деп турар чер участогунуң турар чериниң схемазын, база ол ышкаш 2015 чылдың март 1-ге чедир алган документилериниң берген даңзызында кайы-бир документини: чер участогун ажыглааны дээш төлевирлер квитанцияларын, коммунал ачы-дузаларны төлээниниң, бирги техниктиг ончалал дугайында көргүзүглер кирген база чуртталга бажыңын туткан хүнүнүң дугайында медээлерлиг документилерни, чер участогун херек кырында ажыглап турарын бадыткаан судтуң шиитпирлерин, азы чер участогун боттары эжелеп алганы дээш административтиг харыысалгага онаашкан дугайында документилерин киирер ужурлуг деп, Чер болгаш өнчү хамаарылгазының яамызы тайылбырлаан.
Ындыг хевирлиг шимчевес өнчү ээлери, оларга берген арганы ажыглап, соңгаарлатпайн ону кылдырып эгелээрин яамы сагындырган.
Тыва Республиканың Чер болгаш өнчү хамаарылгаларының яамы тускай мергежилдиглерден ол айтырыг талазы-биле тодаргай тайылбырны ап болур. Вторник биле четверг санында, 09:00 шактан 16:00 шакка чедир дараазында адресте хүлээп алыышкын чоруп турар: Кызыл хоорай, Калинин кудумчузу, б.1 Б, үшкү каът, кабинет 323.
В кинотеатре «Найырал» для школьников и студентов организовали просмотр семейной комедии «Испытание аулом»
В рамках Года семьи в России и проекта Министерства просвещения «Всероссийские детские кинопремьеры» в Туве прошли коллективные просмотры фильма «Испытание аулом».