Бии-Хем кожууннуң Аржаан школазынга өөредилге чериниң аңгы-аңгы чылдарда доозукчуларының аразынга хол бөмбүүнүң маргылдаазы болуп эрткен.
Тываның аңгы-аңгы булуңнарында амыдырап, чурттап чоруур-даа болза, доозукчулар төрээн школазынга аалдап келгеннер.
Чаңчыл болган эртип турар хол бөмбүүнүң маргылдаазын 2016 чылдың доозукчулары, клазының башкылары Олеся Ондар база Айлаңмаа Шактар олар демнежип эрттиргеннер. Спортчу хемчегге 14 команда киришкен.
Херээжен командалар аразынга чараш, техниктиг оюну көргүскеш, 2023-2025 чылдың доозукчуларының чыынды командазы тиилээн. Эр улус аразынга 2013-2014 чылдың доозукчуларның чыынды командазы төлептиг болган.
Тиилекчилер өртектиг белектерни, акша шаңналдарын болгаш дириг хойларны алган.
Школаны 10 чыл бурунгаар доосканнар башкылары-биле ужуражып, өөредилге черинге сертификатты тывыскан.
Тус чер чагыргазы доозукчулар аразынга ужуражылганы бедик деңнелге эрттиргени дээш, «2016-ларга» четтиргенин илереткен.
Келир чылын спортчу ужуражылганы эрттирери-биле дамчып чоруур кубокту 2017 чылдың доозукчулары хүлээнип алган.