Тываның Баштыңы Владислав Ховалыг 2023 чылда Тыва Республикада амыдырап-чурттаарының кудуку хемчээлин доктааткан документиде атты салган.
ТР-ниң Чазааның доктаалы езугаар, чурттакчы чоннуң кижи санынга база социал-демографтыг кол бөлүктерге онааштыр амыдырап-чурттаарының кудуку хемчээлин эде санаан.
2023 чылдың январь 1-ден республикада бир кижиге амыдырап-чурттаарының кудуку хемчээли ниитизи-биле 14519 рубль, ажылдап турар кижилерге – 15826 рубль, пенсионерлерге – 12486 рубль, бичии уругларга 14433 рубль кылдыр доктааткан.
Амыдырап-чурттаарының кудуку хемчээли өзерге, уруглар пособиелериниң, соцкерээлерниң, пенсияларга федералдыг болгаш регионнуң социал немелделериниң хемчээли улгады бээр.
2023 чылда амыдырап-чурттаарының кудуку хемчээлин доктааткан
26 декабря 2022
42