2023 чылда үш көдээ ном саңын чаартыр

Россияның Культура яамызы 2023 чылда ном саңнарын чаартыр мөөрей шилилдезин эрткен РФ-тиң субъектилерин чарлаан.

Тывадан Барыын-Хемчик кожууннуң төпчүткен ном саңы, Мөнгүн-Тайга кожууннуң Мугур-Аксы биле Бай-Тайга кожууннуң Кызыл-Даг суурларының ном саңнары мөөрей тиилекчилериниң санынче кирген.

Келир чылын «Культура» национал төлевилели-биле бүгү чуртта 218 муниципалдыг ном саңнарны, ооң санында 130 биче болгаш 88 төп ном саңнарны чаартыр.

«Культура» национал төлевилелдиң «Культурлуг хүрээлел» федералдыг төлевилелди боттандырган 2019-2021 чылдарда республикада үлегер-майыктың чеди ном саңы ажыттынган. Бо чылын республикада беш ном саңы бүрүнү-биле чаартынган.

Ном саңнарының чаартылгазынче федералдыг бюджеттен 80 сая рубльди, регионуундан сес чартык сая рубльди үндүрген.