4G четкизиге коштунар ийи суур дээш онлайн-бадылаашкын

Тываның чурттакчылары 2023 чылда мобильдиг интернетти кайы суурже шөйерин боттары шилиир.

Россияның Чурагайлыг хөгжүлде яамызы 2023 чылда дүрген харылзаалыг мобильдиг интернетти баштай киирер 100-ден 500 чурттакчылыг суурларны шилээн онлайн-бадылаашкынны Күрүне ачы-дузазының порталында эгелээн.

Бадылаашкынның түңнели-биле 4G четкизиге коштунар ийи суурну Тыва Республикада аңгылаан. Мобильдиг харылзаага кайы кожууннардан кайы сумулар коштунары – чурттакчыларның идепкейлиг бадылаанындан хамааржыр.

Дараазында айтыгга: gosuslugi.ru/inet бадылаашкынны эртер.
Чүгле Күрүне ачы-дузазының порталы таварыштыр эвес, а почта дамчыштыр база үннерин бээр арга бар. Чагаага ат-сывын, бүрүткеткен адрезин база Интернетти кайы суурже шөйерин айтыр. Чагааны Чурагайлыг хөгжүлде яамызының дараазында адрезинче чорудар: 123112, Москва хоорай, Пресненская наб., б.10, стр.2.

Россияның назы четкен шупту хамаатылары бадылаашкынга киржип болур. Ол регионда киир бижиткен кижи кайы-бир суур дээш бадылап болур. Чижээ, чоок кижилериңер, төрелдериңер чурттап турар суур дээш, үнүңер берип болур силер.

Онлайн-бадылаашкын ноябрь 12-ге чедир уламчылаар. А почта-биле чагааны ноябрь 26-га чедир хүлээр.