Барыын-Хемчик кожуннуң девискээринде «Шолбан-Ак», «Таежный» лагерьлерге аңныыр инспекторлары биле полиция ажылдакчылары хыналда үнүүшкүннү чорутканын республиканың немелде өөредилге сайзырадыр төвү дыңнаткан.
Инспекторлар уруглар база вожатыйлар-биле тайылбыр чугааны чоруткан. Аңныыр инспекторлары бокту өй-шаанда аштап-арыглаарын чагаан: аъш-чем артынчыларының чыдындан черлик дириг амытаннар кээп болур. Ол ышкаш лагерьниң ажылдакчыларынга болгаш уругларга черлик дириг амытаннар таваржып келзе, бодун алдынарының дүрүмнерин сагындырган.
Хыналданың түңнели-биле алырга, уруглар лагерьлеринде хажыдыышкыннар илереттинмээн.
Чайгы үеде лагерьлерже хыналда үнүүшкүннер бойдустуң халавындан айыылды болдурбас база уругларның, ажылдакчыларның айыыл чок чоруун хандырар сорулгалыг.