Аар өртекке хөмүр-даш садарынче далашпаңар

Өвүр кожууннуң чагырга даргазы Айдыс Куулар Тывада «Хөмүр-даш продукциязы» күрүнениң медеглел системазынга хамаарыштыр.

– Күрүнениң «Хөмүр-даш продукциязы» медеглел системазын
таварыштыр саткан хөмүрнүң өртээ чиик болур. Аңаа бүрүткел эртери база үр эвес, хөй дизе 10 хире минут негеттинер. Бажыңны хөлезилеп-даа чурттап турар болзуңарза, бүрүткедип ап болур. Бир эвес бажыңыңар шөлү улгады бергенин демдегледип албаан болзуңарза, амгы үеде оран-саваның шын дөрбелчин метрин айтып каарга ажырбас.

Улгады берген азы медеглел системазын эки сайгарып шыдавас улуска чагырга чериниң ажылдакчылары дузазын көргүзер.

Чиижең садыкчылардан аар өртекке хөмүр-даш садарынче далашпаңар. Бүрүткел соонда, ур болбаанда код чедип кээрге, оттулар чүүл шыгжамырларындан садып ап болур силер.