“Ада-чурт камгалакчылары” күрүне фондузунуң салбыры июнь 1-де ажыттынар

Тываның Баштыңы Владислав Ховалыг тускай шериг операциязының үезинде албан хүлээлгезин күүседип тургаш чок болган маадыр оолдарның иелери-биле ужурашкан.

– Алдар аллеязын тургузар кылдыр найысылалда тыва үндезин төп дужунда черни бээр деп шиитпирни үндүрдүм.

Ам маадырларның чоок кижилери чыглып келгеш, ынак кижизин сактып, сагыш-сеткилин үндүр аразында чугаалажыр эптиг чери бар апаарын иелер өөрүп четтириишкин-биле хүлээп алды.

Оон аңгыда чурттуң Президентизи Владимир Путин тускай шериг операциязының киржикчилеринге база оларның өг-бүле кежигүннеринге дуза көргүзер “Ада-чурт камгалакчылары” күрүне фондузунуң салбыры июнь 1-ден республикага ажыттынарын дыңнаттым.

Хөй ажылдажылга бөгүн база уламчылап турар. Ынчангаш тургустунуп кээр айтырыгларны дарый мээң оралакчыларым-биле шиитпирлээрин дугуруштувус.