ТР-ниң Дээди Хуралдың Бии-Хем кожуундан депутады Аяна Монгуш бөгүн Туран хоорайның хүндүткелдиг болгаш хоочун чурттакчыларының бирээзи, Ада-чурттуң Улуг дайынының киржикчизи Владимир Николаевич Мухинниң чүрээ сокпайн барганын дыңнаткан.
Фронтучу «Кызыл сылдыс», «Ада-чурт дайынының» 2-ги чадазының орденнери, “Эрес дидим чорук”, «Германияны тиилээни дээш» деп медальдар-биле шаңнаткан.
Ийиги украин фронтунуң 18-ки танк корпузунуң автоматчылар салбырының командири, ефрейтор Владимир Мухин Украинаның Кривой Рог хоорайын хостажырынга киржип турган. Ол Румыния, Венгрияны база эрткен. Дайын шөлүнге будунга кемдээшкинни алгаш, Тиилелгени шериг госпиталынга уткаан.
Тываның элээн каш кожууннарында чаъстар эгелээнинден мал чемин белеткээринге бергедээшкин тургустунуп болур
ТР-ниң Көдээ ажыл-агый болгаш аъш-чем яамызының дыңнатканы болза, малдың кыштаглаашкынын онча-менди ажарынга эвээш дизе-ле ниитизи-биле 221 муң тонна сиген-ширбиилди кезип белеткээр ужурлуг.