ТР-ниң Дээди Хуралдың Бии-Хем кожуундан депутады Аяна Монгуш бөгүн Туран хоорайның хүндүткелдиг болгаш хоочун чурттакчыларының бирээзи, Ада-чурттуң Улуг дайынының киржикчизи Владимир Николаевич Мухинниң чүрээ сокпайн барганын дыңнаткан.
Фронтучу «Кызыл сылдыс», «Ада-чурт дайынының» 2-ги чадазының орденнери, “Эрес дидим чорук”, «Германияны тиилээни дээш» деп медальдар-биле шаңнаткан.
Ийиги украин фронтунуң 18-ки танк корпузунуң автоматчылар салбырының командири, ефрейтор Владимир Мухин Украинаның Кривой Рог хоорайын хостажырынга киржип турган. Ол Румыния, Венгрияны база эрткен. Дайын шөлүнге будунга кемдээшкинни алгаш, Тиилелгени шериг госпиталынга уткаан.
Ада-чурттуң Улуг дайынының киржикчизи Владимир Мухинниң чүрээ сокпайн барган
8 ноября 2022
44