Бо чылын Тывага 13 көдээ ажыл-агый бүдүрүлгезин туткаш, ажыглалче киирер. Көдээ ажыл агый болгаш аъш-чем яамызы Тываның Баштыңы Владислав Ховалыгга бо чыл төнчүзүнге чедир боттандырар төлевилелдер даңзызын таныштырган. Ол медээден алырга, агроүлетпүр бүдүрүлгелерин ажыдарынче бир млрд. 143 сая рубль хемчээлдиг бюджет инвестицияларын киирер.
Сүт-бараан фермаларынче ол түңден 300 ажыг сая рубльди аңгылаан. Чөөн-Хемчик база Барыын-Хемчик кожууннарда 100 баш малга улуг сүт-бараан фермаларын тудар. Улуг-Хем база Бии-Хем кожууннарга 50 молдургага биче ферманы ажыдары планнаттынган.
Сукпак суурда муң тонна шыгжаар болгаш консервалаар цех тудуу дооступ турар. Александр Желтухинниң арат ажыл-агыйы тудугну кылып турар. Март айда чаа тудугну ажыглалче киирер.
Улуг-Хем кожууннуң Арыг-Үзүү суурда сайгарлыкчы Эрес Мандан-оол крупа бүдүрер цехти ажылдадыр бодалдыг. Шакта-ла 200 кил крупаны бүдүреринче шугумну санаан.
Сукпактан сайгарлыкчы Ольга Ширин эът болбаазырадыр бүдүрүлгезин улгаттырар планныг. Эъттен чиг продуктулар бүдүрерин арат ажыл-агыйы чедиишкинниг шиңгээдип алган. Ам белен продукция – колбаса болгаш консерва бүдүрүлгезин элээн шиңгээдир планныг.
Эът болбаазырадыр адырда элээн каш төлевилелдер бар. Бай-Тайга, Улуг-Хем база Эрзин кожууннарга мал согар үлетпүр цегин тударын көрдүнген. Кызыл хоорайда база Кызыл кожуунга эът болбаазырадылгазанының комплекизин тударынга белеткел ажылдары эгелээн. Республиканың найысылалынга чылда-ла 360 тонна балык консервазы бүдүрер күчүлүг балык болбаазырадылгазының бүдүрүлгезин ажыдар.
Микрорайон Восток Кызыла на перепутье: За или против автозаправочной станции рядом с домами
В Кызыле состоялись публичные слушания по вопросам градостроительной деятельности.