Ак- Даш суму чагыргазынын даргазы Таисия Ондар школаның башкылары- биле кады “Айыыл чок чай” акцияның чорудуу-биле Хөлчүктүгде база Шеми-Аксында чайлаглап турар малчын аалдарга четкенин чагырга чери дыңнаткан.
Ажылчын бөлүк чайлагларга уруг-дарыгның дыштанылгазын амыр-менди эрттирер талазы-биле тайылбыр ажылын чоруткан. Кол кичээнгейни уругларның хемнерге эштиринче сагыш салырынче, аът-хөл-биле оваарымчалыг болурунче олар угландырган.
Назы четпээн уруг-дарыгның айыыл чок чоруу чүгле улуг улустан хамааржыр. Ынчангаш оларның кадыкшылы, амы-тыны дээш харыысалгалыг болуп, онза кичээнгейлиг болурун ада-иелерге база катап сагындыраал.
Чайлагларда уругларның айыыл чок чоруун хыналдага алыры-биле үнүүшкүннер чай дургузунда үргүлчүлээр.