«Шолбан-Ак» дыштанылга лагеринче Барыын-Хемчик кожууннуң чагыргазының даргазы Мерген Хомушку база Төлээлекчилер хуралының даргазы Артур Ооржак үнүүшкүннү кылганын республиканың немелде өөредилге сайзырадыр төвү дыңнаткан.
Кожууннуң удуртукчулары лагерьде дыштанып келген уругларга таарымчалыг байдалдар тургустунганын хынавышаан, уруглар-биле чугаалашкан.
Оолдар, уруглар-биле ужуражылга үезинде кожуун чагыргазының даргазы Мерген Хомушку «Айыыл чок чай» темазынга өөредиглиг лекцияны чоруткан. Уругларга оюн хевиринге орукка, хем-суг эриинге, амыдыралда бодун алдынарының дүрүмнерин сагындырган. Уруглар аалчыларны өөрүшкү-биле уткуп ап, сонуургаан айтырыгларын салганнар.
Оон аңгыда удуртукчулар лагерьниң материал-техниктиг баазазын хынаан. Онза кичээнгейни аъш-чем шыгжамырлары болгаш видео-хайгаарал системазынче углаан. Каас-чараш бойдус-чурумалдыг черде «Шолбан-Ак» стационарлыг дыштанылга лагери бо хүнде уругларның долу дыштанылгазынга болгаш хөгжүлдезинге бүгү таарымчалыг байдалдарны тургускан.
Удуртукчуларның хыналдазы – уругларның чайгы дыштанылгазы чүгле солун эвес, а айыыл чок болурун чедип алыр сорулгазы.
#Немелдеөөредилгесайзырадыртөп #ТМГМедээлер #Тыва #Тывамедээ #Тывадыл #Тывамедиагрупп #Тува