Алдан-маадыржылар эрес-дидим өгбелериниң тура халыышкынының 140 чыл оюнга белеткел ажылдарын эгелээн. Сумунуң хоочуннары чимистиг садты олуртуп, ооң девискээринге дыштанылга черин кылып, чаагайжыдар саналды идип үндүрген. Сумунуң чагырга чери эки эгелээшкинни деткип, сад олуртур черни аңгылаан.
Хоочуннар бот-үндүрүг чыггаш, ыяштарны олуртурлар. Амгы үеде олар чимистиг сад олуртур девискээрни аштап арыглап эгелээн.
– Хоочуннарывыстың төлевилелин деткип, көдээ культура бажыңының болгаш музей чоогунга ыяштарны олуртурун дугуруштувус. Аңаа инек-караа, долаана, чодураа, чыжыргана тарыыр. Ол ышкаш садтың девискээринге ыт-кадын, кырындан 140 деп сан көстүп турар кылдыр, олуртур бодал бар – деп, Алдан-Маадыр сумузунуң чагырга даргазы Арбак Ооржак дыңнадып турар.
Өзүмнерни сумунуң садчыларындан чара олуртур. Ол ышкаш Алаш хемниң кыдыындан черлик өзүмнерни база немей тарып өстүрер. Суму чагыргазы ооң девискээрин херимнээринге болгаш суг хандырылгазынга деткимчени көргүзер.
Сесерлик иштинге селгүүстээр орукту чогаадыкчы кылып, хурал-суглаага келген хоочуннарга дыштынап олурар сандайларны тургузар дээш оон-даа өске сорулгалар салдынган.
Алдан-Маадырларның тура халыышкынының 140 чылында сад чемижин бере бээр кылдыр ажылдаарын хоочуннар даңгыраглаан. Ону чедип алырда, эки хөрзүн болгаш суггат херек. Эге дээрезинде хоочуннар өзүмнерин кудумчу аайы-биле ажаап, суггарар деп турар. Суму чагыргазы садка херек кара хөрзүннү тайгадан сөөртүп эккеп бээр деп турар.
Тываның байлак төөгүзүнде онза черни ээлеп турар Алдан-Маадырлар деп хүндүткелдии-биле адаарывыс бүгү-ле мөлчүкчү дарлакчыларга удур аңгы демиселин өөскүдүп үндүрген эрес-дидим өгбелеривистиң тура халыышкынының 140 чыл оюнуң байырлалынга белеткел эгелээни ол.
В Туве провели мониторинг цен
Служба по тарифам Республики Тыва опубликовала мониторинг цен на хлеб, молоко и молочную продукцию, а также на фрукты, бакалею, мясо и мясные продукты и овощи от 18 апреля.