Бии-Хем кожууннуң Өөк сумузунуң культура бажыңында «Алдын назын» хоочуннар төвү ажыттынганын чагырга чери дыңнаткан.
Суму чагыргазының даргазы Чингис Оттукай байырлыг ажыдыышкынынга киржип, төп буурул баштыгларның хостуг үезин ажыктыг болгаш солун эрттирер шөлү апаарын онзалап демдеглээн.
Өөктүң хоочуннар бөлүүнүң удуртукчузу Мария Ооржак кызыл кожааны кескен. Хүндүлүг дыштанылгада эне хөй чылдарның дургузунда ном саңынга ажылдап чораан. Бөлүкте 12 хоочун сумунуң хөй-ниити амыдыралынга идепкейлиг киржип турар.
Туранның хоочуннары үежилери-биле аяк шайны аартап ора, арга-дуржулгазын үлежип, ужуражылга киришкен. Олар хөгжүмнүг байыры-биле чыылгааннарның сеткил-хөөнүн улам-на көдүрген..