Алдын содак-шудак: Он алды шыырак мөгениң санынче кирер дээш

Федерацияның Кубогу «Алдын содак-шудак» төлевилели Каа-Хем кожууннуң шаңналы дээш хүрештен эгелээнин Тыва национал хүреш федерациязы дыңнаткан.

Каа-Хем кожууннуң шаңналы дээш шыырак аныяк болгаш улуг мөгелер аразынга тыва хүрешке маргылдаазынга Таңдының төлээзи, кожуун чергелиг Чаан мөге Мерген Монгуш шүүлгенин сагындыраал. Ол 12 сан-биле рейтингтиң бажынче үнген.

Чылдың эң шыырак мөгелери кожууннарның шаңналы дээш ай хүрештеринге, Шагаа, Наадым, май 1, май 9-та Улуг Тиилелгеге тураскааткан база өске немей хүреш маргылдаарынга рейтинг саннарны ажылдап алыр. Чылдың төнчүзүнде 16 шыырак мөге илереттинер. Олар түңнел хүрешке ачыр-дачыр тутчур.

Он алды шыырак мөгениң санынче кирер дээш демисел дүшкүүрлүг болурун Тыва национал хүреш федерациязы демдеглеп турар.
Адаанда чуруктан «Алдын содак-шудак» төлевилелдиң рейтингизин сонуургап көрүп болур