«Алдын согуннуң» кышкы ээлчээ Чеди-Хөлде

«Алдын согун» төлевилелдиң кышкы ээлчээ Чеди-Хөл кожууннуң төвүнге бедик деңнелге болуп эрткенин Тыва үндезин культура төвү дыңнаткан. «Тыва ча адар оюн: баг адар хевиринге» 38 багжы киришкен.

Бирги черде Олег Чанчып (Улуг-Хем кожуун, саны 28), урянхай тыва ча адарынга мастер атты күүсеткен.

Ийиги черде Айдың Хомушку (Бай-Тайга кожуун, саны 6), урянхай тыва ча адарынга мастер атты күүсеткен.

Үшкү черде Альберт Сарыглар (Чөөн-Хемчик кожуун, саны 22/2), урянхай тыва ча адарынга спорт мастеринге кандидат атты күүсеткен.

Дөрткү черде Чалым Кыргыс (Өвүр кожуун, саны 22/1),урянхай тыва ча адарынга спорт мастеринге кандидат атты күүсеткен.

Бешки черде Эрес Ооржак (Барыын-Хемчик кожуун, саны 22/0), урянхай тыва ча адарынга спорт мастеринге кандидат атты күүсеткен.

Чеди-Хөл кожууннуң чагырга чери часкы ээлчеглиг «Алдын согун» төлевилелин Өвүр кожууннуң чагырга черинге дамчыткан.