Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Кызыл
10 декабря, сб
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Амгы үениң күш-ажыл рыногунга ажыктыг, эргежок херек билиглерни шиңгээдип алыр

10 ноября 2022
11

Тываның күрүне университеди күрүне албан хаакчыларынга немелде профессионал программаларны боттандырган өөредилге организацияларының даңзызынче кирген.

Университет-биле ТР-ниң Баштыңының Администрация база ТР-ниң Чазааның Аппарадының күрүне хамааты албаны база кадр курлавырының айтырыгларның талазы-биле департаментиниң кады ажылдажылгазының ачызында, республиканың күрүне органнарының специалистери Тываның күрүне университединиң баазазынга немелде өөредилгени эртип, амгы үениң күш-ажыл рыногунга ажыктыг, эргежок херек билиглерни шиңгээдип алырлар.

ТывКУ-нуң кадрларның профессионал эде белеткелин болгаш билиг-мергежилин бедидер институттуң специалистери өөредилге организациязын немелде профессионал программаларны боттандырар күрүне ачы-дуза күүседикчилериниң даңзызынче киирерде, улуг ажылды кылып чоруткан.

Институттуң директору, филология эртемнериниң кандидады, доцент Тайгана Назынчап, ам университет алганы өөредилге сертификаттарынга даянгаш, садыглаашкын чорудуун эрттирбейн, күрүне хамааты албан хаакчыларынга немелде профессионал өөредилгени чорудуп болур эргелиг деп тайылбырлаан.

Ону боттандырарда университет “Күрүне болгаш муниципалдыг садыглаашкыннарны башкарары”, “Өөредилге адырында тус чер бот-башкарылга органнарының ажыл-чорудулгазының эрге-хоойлу баазазы, угланыышкыннары болгаш практиказы”, “Күрүнениң национал политиказы база регион деңнелинде чоннар болгаш шажын чүдүлге аразында хамаарылгаларны таарыштырары”, “Делегей деңнелдиг протокол болгаш кросс-культурлуг коммуникациялар” болгаш өске-даа профессионал белеткелдиң болгаш билиг-мергежил бедидериниң чугула программаларын сүмелеп турар.

Оон аңгыда “Бижимел чугаа культуразы болгаш албан документилерин долдурарының дүрүмнери”, “Орус дыл – хоойлужудулга актыларының дылы”, “Ажыл-агыйжы тыва дыл” дээн ышкаш, күрүне албанының ажылының шупту адырларынга ажыктыг болгаш дыка херек филология угланыышкыннарлыг программалар бар.