Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Кызыл
15 апреля, пн
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию

Амы-тынын – арга-арыг дээш

8 июня 2022
64

Өртчүлерниң эрес-дидим мөзү-шынары берге үелерде, өрттерден бистиң бажың-балгадывысты, арга-арыывысты, кижилерни камгалап турда көстүр. Айыыл-халап болуп, олар амы-тынындан чарлып, бистиң аравыстан чоруй баарга, маадырлар деп биле бээр бис.

1996 чылдың май айда Бии-Хем кожууннуң девискээринге арга-арыгга өрттү өжүрүп тургаш, Туран арга-ыяш ажыл-агыйының чеди өртчү-десантниктери амы-тынындан чарылганнар. Ол маадырларның аттары бо: Сергей Амранович Асланов, Геннадий Петрович Белек-оол, Виктор Николаевич Кожухов, Александр Семенович Савин, Иван Иванович Семонов, Юрий Ховалыгович Сыйдан-оол, Владимир Яковлевич Чудояков.

2012 чылдың май айда Элегестиң арга-ыяштыг черинге өрт өжүрүп тургаш, эки турачы өртчү Борис Кара-оолович Оюн амы-тынындан чарылган.

2012 чылдың июнь айда Бай-Тайга кожууннуң Кара-Хөлге улуг тайга өртүн өжүрүп тургаш, сес парашютист өртчүлер амы-тынындан чарылган. Оларның аттары бо: Николай Владимирович Былёв, Владимир Владимирович Кечил-оол, Херел Юрьевич Кызыл-оол, Николай Николаевич Новиков, Виктор Евгеньевич Стремоусов, Сергей Сергеевич Федотов, Родион Юрьевич Хуурак, Андрей Олегович Шилин.

Россияның Президентизи Владимир Путинниң Чарлыы-биле Бай-Тайга кожууннуң Кара-Хөлге өрт өжүрүп тургаш, амы-тынындан чарылган сес парашютист өртчүлерни база Элегестиң арга-ыяштыг черинге өрт өжүрүп тургаш, амы-тынындан чарылган эки турачы өртчүнү “Эрес-маадырлыг чорук” орден-биле шаңнаан.

#Өртчүмаадырлар #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews