Аныяк малчын Очур Кежик тудугжуларны деткээн

Чаа-Хөл сумузунда келир үениң мөгелерин өстүрер, кижизидер «Эзирлер уязы» төлевилел-биле биче хемчээлдиг спорт залының тудуунда ажыл уламчылавышаан.

Чаа-хөлчүлер бир демниг тудугда киржип, тудугжуларны ашкарып-чемгерип, үлүүн киирип турар. Бо удаада кожууннуң аныяк малчыны Очур Кежик деткикчилеп, хойну эккеп берген.

Ук тудугда Чаа-Хөл кожууннуң С.М Сарбакай аттыг спорт школазының, Ак-Дуругнуң, Булуң-Теректиң тренер башкылары болгаш ажылдакчыларын хаара туттунган.

Республикада күш-культура болгаш спорт-биле өңнүктешкен уругларның болгаш аныяктарның саны хөй. Көдээ суурларга спорт объектилерни ажыглалче киирген соонда, оларның саны оон-даа көвүдээри билдингир.