Аныяктарны деткиир болза эки

Россияның алдарлыг артизи, Тываның улустуң артизи Надежда Наксыл өөреникчизи Хемермаа Сайзан-оолдуң “Бөрзекпен” деп баштайгы ному үнгенин дыңнаткан.

– Хемермаа 2017 чылда эш-өөрү-биле Михаил Щепкин аттыг театрның дээди өөредилгезин кызыл дипломнуг дооскаш, тыва сценада көрүкчүлеринге бараан болуп турар. Сургуулум үндүрген номунуң бир дугаарын меңээ сөңнеди. Сеткилимден амырап, чоргаарланып хүлээп алдым. Чогаал далайынче эжиндирип-ле көрем, Хемерим.

Даштыкы хевири шевергин, шын эвес чүүлдерге хөңнү чок, дузааргак, кызымак, чаптанчыг чаңныг сургуул кызым номчуттунар болгаш билбези чок. Ооң-биле кандыг-даа чугааны кылып чугаалажырга солун.

Тыва дылывысты утпайн, ам-даа сайзырадыылыңар деп улуг кижиниң чагыын бодап чоруурунга өөрүп тур мен. Аныяктарны деткиир болза эки.