Арат шөлүнде соңгу чүктүң ивизи, тос чадыр

Тожу кожууннуң төлээлери Арат шөлүнде тос чадырын тиккен. Ында көргүзүп аскан эдилелдерин дугайында Ий сумузунуң чагырга даргазының хүлээлгезин күүседип турар Адыгжы Саая таныштырган.

– Чадырда тожуларның ай-бес каскаш, кургадыр азар эди – кымзар, иви болгаш анай баглаарынга ажыглаар мөңгүйнү, аңны кижиниң дары кудуп алыр, малчыннарның анай эмискиктээр кылдыр ажыглаар мыйыстарны, даараныр херекселдер сугар инчеек, элик кежинден шай, дус хаптарын, аң кежинден барбалар болгаш хаак, киш, дилги, дииң, кушкактар, норка кештерин, иви чеми – шулун дээш оон-даа өске эдилелдер бар – деп, ол чугаалаан.

Чадырның бир кезээнде тайга-таңдының кежии – кадыргы, ыштаан шуруш, алага, кургадып каан шереш, дузап каан балык, кат-чимис, тайга торук…

Чыылган чон чадыр чанында өртеп каан улуг мыйыстыг соңгу чүктүң ивизин сонуургап, тураскаал кылдыр тырттырап ап турган.