Чамдык кожууннарда чагган хар орук шимчээшкинин бергедеткен. Орукчулар дарый хөделип, арт кырының берге участоктарын аштаан.
ТР-ниң Орук-транспорт яамызының дыңнатканы-биле алырга, «Абазаның орук септелге-тудуг эргелели», «ОТЭ-17», «Юрков ХС», «Өвүрнүң орук септелге-тудуг эргелели», «Сая» кызыгаарлаан харыысалгалыг ниитилелдерниң ажылдакчылары «Чүс дугаар», «Соңгу», «Мюн», «Тээли», «Калдар-Хамар» арттар ажыр оруктарда харны аштап турар.
Тываның Баштыңы Владислав Ховалыг орук шимчээшкининиң киржикчилери – чолаачыларга кыйгырыгны кылган. «Орук чоруур деп турар шупту чолаачылар, агаар-бойдус талазы-биле дыңнадыгны кичээнгейге алырын сагындырып тур мен. Кышкы дугуйларыңарны үе-шаанда солуп, машинаның техниктиг байдалын хынап, орук шимчээшкининиң дүрүмнерни сагып чоруңар» – деп, Владислав Ховалыг бодунуң албан езузунуң блогунда бижээн.
Орук-транспорт яамызы ырак орук чоруур чолаачыларга сүмелерни бодунуң сайтызында берген.