ТР-ниң Дээди Хуралының Даргазы Каң-оол Даваа Улуг-Хем кожууннуң Арыскан ортумак школазының 90 чылдаан байырлалынга киришкен.
Кан-Оол Даваа юбилейлиг хүнде школаның коллективинге болгаш хоочуннарынга парламентиниң мурнундан байырын чедирип, өскелерге үлегер-чижектиг ажылдакчыларга ТР-ниң Дээди Хуралының шаңналдарын тывыскан.
– Школаның хоочуннарының, башкыларның, өске-даа ажылдакчыларның бедик мергежилинге, ажылынга бердинген чоруунга болгаш ээлдек-эвилең чаңынга хүндүткелди илередип тур бис. Силер бүгүдеге быжыг кадыкшылды, менди-чаагай чорукту, амы-хууда улуг аас-кежикти болгаш уруг-дарыгның өөредилге-кижизидилгезинге чаа-чаа чедиишкиннерни күзедивис.
