Аржаан школазының чоргааралы – Аялга Донгак

Тывада алдын медаль-биле школа дооскан өөреникчилерниң саны ийи катап көвүдээнин ТР-ниң Өөредилге яамызы дыңнаткан.

Алдан медаль-биле доосканнарның бирээзи – Аржаан школазының доозукчузу Аялга Донгак. Ол хөй санныг мөөрей, олимпиадаларның киржикчизи, тиилелгелиг черлерниң эдилекчизи.

Тываның ниити өөредилге школаларын 63 доозукчу, Кызылда президентиниң кадет училищезин18 кадет алдын медальдар-биле дооскан. Эрткен чылда республикада оон ийи катап эвээш, азы 44 кижи тергиин демдектерлиг дооскан.

Бо чылдың шылгалда кампаниязында республикадан чүс баллдыг чеди доозукчу бар. Школачылар бо чылын химия, биология, орус дыл, математика, физика, литература эртемнеринде эки белеткенгенин көргүзүп, ол эртемнерде бедик демдектерлиг өөреникчилер саны көвүдээнин Өөредилге яамызы демдеглээн.