Аржаанчылар ачы-буян дузаламчызын чыгган

Тывада Донецк база Луганск улус республикаларныӊ амыр-тайбыӊ чонунга ачы-дуза чедирер ажыл-херек ам-даа уламчылап турар.

Бии-Хем кожууннуң Аржаан сумузунуң чурттакчылары бирги чергениң чугула херек барааннарын, өөредилге херекселдерин, чылыг аргаан уктарны, хууда арыг-шеверниң херекселдерин, аъш-чем болгаш өске-даа чүүлдерни суму чагыргазында штабтың эки турачыларынга даңзы аайы-биле хүлээдип дамчытканнар.

Ачы-буян дузаламчызын чыыр акцияга хөй улус киришкен. Аржаан сумузунуң чагырга чериниң болгаш культура ажылдакчылары, «Аржаан» көдээ ажыл-агый хереглел кооперативи, сагыш -човангыр "Энелер" чөвүлелиниң кежигуннери дээш энерел сеткилдиг чон киришкен. Суму школазының коллективи 25 муң рубльди чыгган.