Бо чылын «Социал хөмүр-даш» төлевилел-биле тускай шериг операциязының киржикчилериниң өг-бүлелеринге күрүне деткимчезин берип эгелээн.
Бии-Хем кожууннуң Аржаан сумузундан база Чкаловка арбанындан сес тускай шериг операциязының киржикчизиниң болгаш сес хөй ажы-төлдүг өг-бүлелери кадыг оттулар чүүлдү алганын чагырга чери дыңнаткан. Өг-бүле бүрүзүнге 2 тонна 145 кил хөмүр-дашты чедирип, дүжүрген.
Кожууннарының күш-ажыл болгаш социал хөгжүлде эргелелдериниң сан-чурагайындан алырга, тускай шериг операциязының киржикчилериниң 1306 өг-бүлези 2025 чылда ук ачы-дузаны алыр. Бо бөлүкче чок болган, ис чок читкен, туттурган дайынчыларның өг-бүлелери база шериг кемдээшкининден харык-шинээ кызыгаарлыг болган хоочуннар кирип турар.
«Социал хөмүр» төлевилел-биле дөрт болгаш оон хөй ажы-төлдүг, эвээш орулгалыг 2581 өг-бүле одаар ыяшты болгаш хөмүр-дашты алыр. Тывада дыка хөй өг-бүлелерге бо социал деткимче хемчээ боттарының бюджедин элээн камнап алыр арганы бээр.