Аржаанда хууда дузалал ажыл-агый немешкен

Бии-Хем кожууннуң Аржаан сумузундан Алдын Монгуш социал керээге үндезилээн күрүне деткимчезиниң ачызында ийи бызаалыг инекти садып алган.

Социал деткимче алыкчызы бодунуң күжү-биле кажааны тудуп алгаш, хууда дузалал ажыл-агыйын ажытканы ол. Алдын Монгуш инектерин саггаш, «Аржаан» көдээ ажыл-агый хереглел кооперативиниң сүт болбаазырадыр цегинче дужаап турар. Удавас малынга чем белеткээр чымыштыг үе эгелээр. Алыс боду шевер болгаш ол тудуг кылган улустуң бажың-балгадын кылчып, акша-төгерикти ажылдап ап турар.

Алдын Монгуштуң кырган ада-иези Шываан Кайгал-оолович биле Бүүрекей Сандыковна Ооржактар Тыванын алдарлыг малчыннары чораан.

Кызымаккай кижилерге амыдырал-чуртталгазын экижидип ап болурунга күрүнеден дээштиг дуза – социал керээ дээрзин арга-дуржулга көргүскен.

#Бии_хемкожуун #Аржаан #Социалкерээ #Хуудадузалалажыл_агый #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews