Аржаанда хууда сайгарлыкчыларның саны немежир

“Ада-чурттуң камгалакчылары” күрүне фондузунуң салбырынга социал керээге үндезилээн күрүне деткимчезин алыр дээн тускай шериг операциязының киржикчилерин болгаш оларның өг-бүлелериниң кежигүннерин комиссия хүлээп алган. Республиканың аңгы-аңгы кожууннарындан 30 ажыг кижи билдириишкинни киирген.

Бии-Хем кожуунуң Аржаан сумузунуң үш төлээзи төлевилелдерин ажыктыын тайылбырлап, шынзыдып шыдаанын чагырга чериниң даргазы Екатерина Тулуш дыңнаткан. Тускай шериг операциязының киржикчилериниң ийизи хууда ажыл-херээн ажыдар болган – Бии-Хемге чүък сөөртүлгезин (хөмүр-даш, ыяш, сиген, бараан...) чорудар, хайындырарынга белен аъш-чем (манчы, бууза, котлета, тефтельдер) бүдүрер биче цехти ажыдар. Үшкүзү хууда дузалал ажыл-агыйын ажыдып, үш бызаалыг инекти болгаш молдурга садып алыр күзелин илереткен.

ТР-ниң Күш-ажыл болгаш социал политика яамызы биле “Ада-чурттуң камгалакчылары” күрүне фондузунуң салбыры дугуржулга езугаар тускай шериг операциязының киржикчилерин болгаш оларның өг-бүлелериниң кежигүннерин хүлээп алганын сагындыраал.

Чонну ажылга хаара тудар төптүң тускай мергежилдиглери тускай шериг операциязының киржикчилеринге болгаш оларның чоок кижилеринге ажылга тургустунарынга, немей өөредилге эртеринге, бодунуң хууда ажыл-агы¬йын ажыдарынга дузалажып, арга-сүмени каткан.