Бии-Хем кожууннуң Аржаан сумузунда социал объектилерниң кышка беленин кожууннуң комиссиязы хынап көргенин чагырга чери дыңнаткан.
Сумуда школа, уруглар сады, культура бажыңы, фельдшер-акушер пунктузу бар. Оран-саваларның, одалга системазынын септелгезин, иштики-даштыкы ажылдарын чоруткан.
2026/27 өөредилге чылында школага 129 уруг өөренир. Бирги классче тос уруг бижиткен. Школаның чемненилге чери бүрүнү-биле дериттинген, ном саңы өөредилге номнары-биле 100 хуу хандырттынган. «Аленушка» уруглары сады база чаштарны хүлээп алырынга белен.
Септелге ажылдары бүрүнү-биле доозулган, социал объектилери кышка белен. Комиссияның шиитпири езугаар соцобъектилер кышка белениниң паспорттарын удавас алыр.
