2023 чылдан тура аттракционнарның техниктиг байдалын теххайгааралдың регионалдыг албан черлери хынаар апарган. Ындыг доктаалдың төлевилелин Тываның Чазаа деткээн. Амдыгаа чедир ойнаар дериглерниң болгаш механизмнерниң айыыл чок чоруун кым-даа орта хынавайн турган.
2019 чылда федералдыг эрге-чагыргалар аттракционнарның ажыл-чорудулгазын чурумчудуп, оларның техниктиг байдалынга болгаш ажыглалынга чаңгыс аай негелделерни тургускан. Аттракционнарның ээлери ук негелделерни сагып турар бе дээрзин хайгаараар бүрүн эргелерни регионнарның эргезинче дамчыткан.
Бо хоойлу төлевилелин саналдап киирген ТР-ниң Көдээ ажыл-агый болгаш аъш-чем яамызында күрүнениң техниктиг хайгааралын чорудар килдистиң тускай мергежилдиглерниң медеглээни-биле алырга, ындыг хайгаарал күртеххайгааралдың даңзызынга барык чок турган. Бүдүн республикада ажылдап турар аттракционнарның саны 100 турбуже, дыңзыда чүгле үш аттракцион бүрүткеттинген.
Бо хоойлу хүлээп алдынары билек, шураар батуттарның, чайганыыштарның болгаш өске-даа ойнаар дериглерниң ээлери оларны күртеххайгааралдың органнарынга бүрүткедир хүлээлгелиг. Чылда бир катап оларның техниктиг байдалын, ажыглаар чурумун сагып турарынга хыналданы эрттирер.
Хоойлу төлевилелиниң ажылдап кылыкчыларының тайылбырлап турары-биле алырга, ол бүгү чүнүң-даа мурнунда аттракционнарга ойнап кээп турар ажы-төлдүң айыыл чок чоруун хандырары-биле холбашкан. Чаяан болуп, аттракционнарга кемдеп, когараар чаңгыс-даа таварылга Тывага бүрүткеттинмээн.
Минэкономразвития подготовил поправки о невозвратных тарифах в гостиницах
Минэкономразвития предложило узаконить невозвратные тарифы в гостиницах по аналогии с авиабилетами.