Тываның Чазааның бажыңынга Россия хүнүнүң бүдүүзүнде, аңгы-аңгы мергежилдерниң кижилеринге күрүне шаңналдарын тывыскан.
Эмчилер, спортчу тренерлер, өөредилге болгаш культура, көдээ ажыл-агый болгаш кадык камгалал адырының ажылдакчылары – төрээн республиказының болгаш чуртунуң чаагай чоруу дээш ак сеткилиг күш-ажылы, бодунуң ажыл-ижинге шынчызы база бедик мергежили дээш улуг шаңналдарга төлептиг болган.
Тыва Республиканың Баштыңының Хүндүлел бижии, Буян-Бадыргы орденниң III чергези орден, адырлар аайы-биле «Тыва Республиканың алдарлыг ажылдакчызы» хүндүлүг аттар, Тыва Республиканың «Шылгараңгай күш-ажылы дээш» медаль база «Тыва Республиканың Хартыга мөгези» деп шаңналдар ол хүн маадырларын тыпкан.
Тыва Республиканың Баштыңының Хүндүлел бижии-биле:
Саян Баазанны – Тыва Республикада ФККФАЭ № 3 шөлүлге колониязының начальниги, иштики албанның подполковниги;
Омак Достайны – Федералдыг суд приставтар албанының Тыва Республикада эргелелиниң удуртукчузун шаңнаан.
«Тыва Республиканың Хартыга мөгези» деп атты Тыва Республикада ИХЯ наркотиктерге контроль эргелелиниң онза-чугула херектер талазы-биле бүрүн эргелиг төлээзи Аяс Кулага тывыскан.
«Тыва Республиканың алдарлыг ажылдакчызы» хүндүлүг атты Эрзин кожууннуң күш-ажыл болгша социал хөгжүлде эргелелиниң начальниги Оксана Баадырга тывыскан.
«Тыва Республиканың өөредилгезиниң алдарлыг ажылдакчызы» хүндүлүг аттарга дараазында башкылар төлептиг болган:
Пахыт Бектенова – Кызылдың №2 школазының орус дыл болгаш литература башкызы;
Екатерина Монгуш – Чеди-Хөл кожууннуң Хову-Аксы школазының орус дыл болгаш литература башкызы;
Ирина Ооржак – Кызылдың педагогика колледжизиниң төрээн дыл болгаш уруглар чогаалын башкылаар методика башкызы;
Алла Монгуш – Тываның күрүне университединиң юридиктиг факультединиң хамааты эрге база чорулга кафедразының эргелекчизи;
Елизавета Куулар – Кызылдың №2 школазының эге класстар башкызы.
Республиканың №1 дугаар эмнелгезиниң консультативтиг-диагностика поликлиниказының регистратурада улуг эмчи сестразы Анна Адыг кадык камгалал системазында ачы-хавыяазы дээш «Тыва Республиканың кадык камгалалының алдарлыг ажылдакчызы» хүндүлүг атты алган.
Тыва Республиканың чыында командаларының спортчу белеткел төвүнүң улуг тренери Алибек Монгушка «Тыва Республиканың күш-культура болгаш спортунуң алдарлыг ажылдакчызы» хүндүлүг атты тывыскан.
«Тыва Республиканың культуразының алдарлыг ажылдакчызы» атты культура болгаш уран чүүл адырында ачы-хавыязы дээш:
- Кызыл хоорайда Н. Рушева аттыг уругларның уран чүүл школазының хореография салбарының башкызы Ким Куулар;
- Кызыл кожууннуң төпчүткен клуб системазының кол хормейстери Айгуль Оюн шаңнатканнар.
Мал ажыл-агыйын хөгжүдеринге ачы-хавыяазы болгаш ак сеткилдиг күш-ажылы дээш «Тыва Республиканың көдээ ажыл-агыйының алдарлыг ажылдакчызы» атты Өвүр кожууннуң Сарыг-Хөл сумуда хууда дузалал ажыл-агыйның баштыңы Маадыр Серембильге тывыскан.
Күш-культура болгаш спортту хөгжүдеринге киирген ачы-хавыяазы дээш «Тыва Республиканың алдарлыг тренери» аттарны:
Чаян Соянга – Эрзин кожууннуң спорт школазының бокс тренери;
Самир Сатка – Б.Х. Сайтиев аттыг олимпийжи курлавыр спорт школазының хостуг хүреш тренери.
Кадык камгалал системазында ачы-хавыаязы дээш «Тыва Республиканың алдарлыг эмчизи» хүндүлүг аттарны:
Маргарита Балчир – Республиканың № 2 эмнелгезиниң невролог эмчизи;
Светлана Чооду – Тыва Республиканың Перинаталдыг төвүнүң консультативтиг-диагностика салбырының акушер-гинеколог эмчизи алганнар.
Тыва Республиканың «Шылгараңгай күш-ажылы дээш» медалы-биле дараазында ишчилерни шаңнаан:
Петр Бадыназын – күш-ажылдың хоочуну;
Зоя Доржу – Тываның күрүне университединиң ада-чурт төөгүзү кафедраның эргелекчизи;
Сайзов Дирчин – Эрзин кожууннуң хоочуну;
Аргина Пала – Республиканың онкология диспансериниң онкологтуг кезиишкин салбарының эргелекчизи;
Зоя Хомушку – күш-ажылдың хоочуну.
«Буян-Бадыргы» орденниң III чергези-биле халдавырлыг аарыглар эмнелгезиниң кол эмчизи Анна Сарыгларны шаңнаан.
Россияның Чогаалчылар эвилелиниң кежигүнү, публицист, альпинист Маадыр-оол Ховалыгга Тыва Республика Орденин тывыскан.
Чуруктарны Чингис Саая тырттырган
