Апрельдиң 4-ке чедир азыг диштиг араатан-биле демисел хемчеглерин күштелдирерин ТР-ниң Дириг амытаннар объектилерин камгалаар күрүне комитеди дыңнаткан. Муниципалдыг тургузуглар девискээринде чарлаттынган айда онза камгалалдыг бойдус девискээрлеринге аңнаашкынны организастаар.
Аңныыр айында кокайларның шимчээшкинин өөренип көрүп, бир эвес таваржы бээр болза, аглаашкын бригадазын дарый чыггаш үнер. Шалыпчы айның кол сорулгазы – республиканың көдээ ажыл-агыйынга улуг каражаны чедирип турар араатан аңның санын эвээжедири.
Күрүнениң аңныыр комитединиң тускай мергежилдиглери шалыпчы айның дургузунда коллективтиг аңнаашкында киржип турары кижилерге айыыл чок чоруктуң база аглаашкынны чорударының тайылбыр ажылын кылыр. Албан чери аглаашкыны организастаарынга чогуур кывар-чаар материалды аңчылар бригадаларынга үндүрүп бээр.
Бөрү адарынга чөпшээрелди берип, араатан аңны узуткааны дээш төлевир акшазын үе шаанда бээрин чедип алыр.
Республиканың эрге-чагыргазы аткан бөрү бажы дээш шаңнал акшазының субсидиязын берип турарын сагындыраал. 2023 чылда бир улуг бөрү дээш – сес муң рубльди, бөрзээ дээш – дөрт муң рубль төлевирни доктааткан.
2022-2024 чылдарда Тывада бөрүлер аңнаарының планныг көргүзүглерин бадылаан. 2022-2023 чылдарда ооң саны ийи катап кызырылган – 2860 баштан 1388 чедир. Ам-даа 300 ажыг баш кокайны узуткаар херек.
Кажан бөрүнүң баш саны 900-1000 чедир кызырлы бээр болза, оон көвүдетпейн, ол деңнелге тудары чугула. Ынчангаш чылдың-на 303 баштан эвес эвес, азы санда кирген кокай бажының 21,8 хуузун чок кылыры күзенчиг.
Подростки в Туве смогут зарабатывать на карманные расходы в свободное время
Минтруд Тувы сообщил, что подростки в возрасте 14–18 лет смогут заработать на карманные расходы в свободное от учебы время.