Шрифт
А А А
Фон
Ц Ц Ц Ц Ц
Изображения
Озвучка выделенного текста
Настройки
Обычная версия
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы
(видео, карты и т.д.)
Вернуть настройки по умолчанию
Кызыл
14 августа, вс
Настройки Обычная версия
Шрифт
А А А
Фон
Ц Ц Ц Ц Ц
Изображения
Междубуквенный интервал
Одинарный Полуторный Двойной
Гарнитура
Без засечек С засечками
Встроенные элементы (видео, карты и т.д.)
Вернуть настройки по умолчанию
Все новости Тувы
Кызыл
14 августа, вс

Бүгү чүүлдү тиилелгеге: Аныяк малчыннардан ачы-дуза

5 августа 2022
14

Арыг-Үзүү сумузунуң аныяк малчыннары Баят биле Вероника Шыыраптар Суглуг-Ой деп черде хууда малын малдап турар. Олар алдарлыг чаңгыс чер-чурттуу, Россияның Маадыры Мерген Донгакты деткип, Ниити-российжи улусчу фронтунуң “Бүгү чүүлдү тиилелгеге!” деп ачы-дуза төлевилелинге киржир күзелин илереткеннер.

Шыыраптарның үш ажы-төлдүг өг-бүлези мооң мурнунда суурга бода болгаш чылгы мал тудуп турган. Олар ийи чыл бурунгаар бо черде малчын турлагны садып алгаш, немей хой, өшкүнү база малдап эгелээннер. Улуг оглу Намзырай чеди харлыг, кыстары уруглар сады барып турар. Аныяк малчыннарның өдээнде ийи чүс ажыг шээр, чээрби ажыг бода, он шаа хире инек бар.

– Ачы-дуза акциязының дугайында интернеттен билип алдывыс. Тыва улустуң үлегер чугаазында “Далайга – дамды дуза” дээн болгай, өөм ишти-биле сүмелешкеш, аңаа киржирин шиитпирлээн улус бис – деп, Шыыраптар чугаалап турар.

Шыыраптарның өг-бүлези Донбасста тускай шериг операциязында хүлээлгезин эрттирип турар дайынчыларны деткип, Улусчу фронтунуң Тывада салбырының кежигүннеринге хойну дамчыткан. Ук хөй-ниити организациязының кежигүнү Мерген Санчай-оол малды садып-сайгаргаш, оон кирген акша-хөреңгини Донецк болгаш Луганск улус республикаларда шериг хүлээлгезин эрттирип турар дайынчыларга чугула херек чүүлдерни саткаш, чорударын дыңнаткан.

– Бо хүн Арыг-Үзүү сумузундан аныяк малчыннар ачы-дуза акциязынга катчып турарынга өөрүвес арга чок. Оларның чымыштыг ажыл-ижин барымдаалап, хойну ап алыры-биле чедип келгенивис бо.
Эрткен айда бо-ла суурнуң салгал дамчаан малчыны Мерген Балчый Донбасста тускай шериг операциязында хүлээлгезин эрттирип турар дайынчыларга хойну дамчыткан. Россияның Маадыры Мерген Донгактың чаңгыс чер-чурттугларының деткимчези дээш четтиргенивисти илередир-дир бис – деп, Мерген Санчай-оол онзалап демдеглээн.

Улусчу фронтунуң Тывада салбырының күүсекчи комитединиң удуртукчузу Саима Далчинниң дыңнадып турары-биле алырга, “Бүгү чүүлдү тиилелгеге!” деп ачы-дуза акциязының шугуму-биле Донбасстың дайынчыларынга деткимчени көргүзүп турар.

– Донецк биле Луганск сес чыл ажыр дайынчы байдалда амыдырап-чурттап, хосталгазы дээш демисежип турарын билир бис. Ынчангаш ук республикаларга ачы-дуза чугула херек болуп турар.

Донбасста шериг хүлээлгезин эрттирип турар дайынчыларга деткимче-дуза чедирери-биле Ниити-российжи улусчу фронтунуң “Бүгү чүүлдү тиилелгеге!” деп ачы-дуза фондузунга тускай шөлчүгешти www.pobeda.onf.ru деп адресте ажыткан. Ук порталдан ачы-дузаны кайда хүлээп ап турарының дугайында чугула медээлерни тып ап болур. Ында дайынчыларга чугула хереглеттинип турар чүүлдерниң даңзызын база айыткан. Акша дузаламчыны ук портал дамчыштыр каш минута дургузунда шилчидиптер арга тургустунган.

Улусчу фронт дайынчыларга хүн бүрүде херек чүүлдерни чыып турар. А шилчиттинген акша-хөреңгиге шериглерге идиктер, квадрокоптерлер, дураннар, аъш-чем, эм-таң аймаа дээш өске-даа амыдыралга ажыктыг херекселдерни садып ап турар – деп, Саима Далчин акцияның дугайында таныштырган.

Чоокта чаа Улуг-Хем кожууннуң Арыг-Үзүү сумузундан Мерген Донгакка Донецк болгаш Луганск улус республикаларны камгалаар сорулгалыг чоруттунуп турар тускай шериг операциязының үезинде көргүскен эрес-дидим болгаш маадырлыг чоруу дээш Россияның Президентизиниң Чарлыы-биле ‘’Россияның Маадыры’’ атты тывысканын сагындыраал.

false
false
false