Күскү ачы-дуза чыылдазының сөөлгү хүнүнде дузаламчы дамчыдар албан черлери хөй болган.
Таңды кожууннуң чону генераторларны, чынныр херекселдерни, агаар үрдүрүкчүлерин, чылыг хепти, чажыртынып шыптынар четкилерни дээш дайынчыларга оон-даа өске херек чүүлдерни чорутканын чагырга даргазының хүлээлгезин күүседип турар Айбек Конгар дыңнаткан.
Чөөн-Хемчик кожууннуң школа болгаш школа назыны четпээн уруглар өөредир албан черлери тос генераторну (198000 рубль) дамчыткан.
Красноярскиниӊ статистика албанының регионда төлээзи Темир Кулдуннуң дыңнатканы-биле алырга, олар 55-ки гвардейжи тускай мото-адыгжы (даг) бригаданың дайынчыларның чагыы езугаар харылзаа херекселдерин эккелген.
Тываның журналистер эвилели ачы-дуза чыылдазынга үлүг-хуузун киирип, бензин-биле ажылдаар ийи хирээни, теве кежинден чылыг уктарны, идик оъттарын мурнуку одуругда шериг оолдарже дамчыткан.
Медицина колледжиниң коллективи “Рус” деп дайынчы кыйгылыг иштежинге генераторну, 12 дугаар школаның коллективи доозукчузунга ноутбук биле генераторну эккелген.
Роскадык-камгалалхайгааралдың Тывада девискээр органы эм-таңны, Кызылда “Идегел” эки турачылар отряды “чажыртынар” четкилерни дамчыткан.
Эртен чыгдынган ачы-буян чүъгүн 20 тоннаның ийи чүък автомашиназы ийи аңгы угланыышкынче (Курск облазы болгаш Донецк) чедирери-биле үнүптер.
Чуруктарны Буян Ооржак тырттырган