Улуг-Хемниң Хайыракан сумузунуң «мөңгүн эки турачылары» болгаш идепкейжилери январь айның соок хүннеринде тускай шериг операциязында киржип турар дайынчыларга чажыртынып шыптынар четкилер кылырын уламчылап турганын кожууннуң хөй-ниити организациязы дыңнаткан.
Идепкейжилер Улусчу фронтунуң Тывада салбырынга 12 “четкини” дамчыткаш, дайынчы хөделиишкиннер девискээринде чаңгыс чер чурттугларын деткиир ажылды уламчылаары-биле беш аңгы өңнүг материалды алган.
Тускай шериг операциязында киржип турар дайынчыларга ачы-дуза чыыр пункт дараазында адрестерде ажылдап турар: Кызыл хоорай, Чульдум кудумчузу, 40А, өрээл 20, 21. (Улусчу фронтунуң регионалдыг салбыры), Ленин кудумчузу, 5 (Тываның күрүне университединде «Кады бис» штавы), Правобережная кудумчузу, 4 (Көдээ ажыл-агый рыногу). Харылзажыр телефону: +7 (39422) 2-10-50.