Бүгү чүүлдү тиилелгеже: Эриг баарлыг эне буянныг үүле-херекке киришкен

Арыг-Узуу сумузунуң чурттакчызы Алдынай-Монгунай Кенден өлчей удазыны шеверлеп даараан хаптарын иштээш, тускайлаттынган шериг операциязында киржип турар дайынчы оолдарга дамчытканын чагырга чери дыңнаткан.

«Өлчей удазыны» дээрге буянныг сес демдектиң бирээзи, оран-таңдының, чер-бойдустуң дүп чок эгези болгаш бүгү өртемчейниң төнчү чок демдээ.

Алдынай-Монгунай Санааевнаның уйнуу, онгу класстың өөреникчизи Аюш Шоюн-Нава дайынчы акыларынга чылыг бөрттерни аргаан. Шевер кыс кырган-авазындан бөрттерни дамчыткан.

Буянныг үүле-херекте киржип турар кырган-авашкыларга чагырга чери четтиргенин илереткен.