Тывада «Улусчу фронт. Бүгү чүүлдү тиилелгеже!» төлевилелдиң чорудуу-биле республикадан тускай шериг операциязында киржип турар дайынчыларга ачы-дуза чыылдазының кышкы кампаниязы уламчылап турар.
Улуг-Хем кожууннуң Арыг-Үзүү сумузунуң эки турачылары ээлчеглиг 3х6 дөрбелчин метр хемчээлдиг улуг техника шывыын, дайынчыларга дөрт "куяк хепти" кылып доосканын кожууннуң хөй-ниити организациязы дыңнаткан.
Тускай шериг операциязында киржип турар дайынчыларга ачы-дуза чыыр пункт дараазында адрестерде ажылдап турар: Кызыл хоорай, Тыва эки турачылар кудумчузу, 3 («Норзин» Садыг төвү), Ленин кудумчузу, 5 (Тываның күрүне университединде «Кады бис» штавы. Харылзажыр телефону: +7 (39422) 2-10-50.