Бөгүн Чырыткылыг XIV Далай-Лама Башкывыстың төрүттүнген хүнү

XIV Далай-Лама Тэнзин Гьяцо бөгүн, июль 6-да, 88 харлап турар. Бүгү делегейниң, Россияның база Тываның сарыг шажын чүдүкчүлери бо хүнде Башкызынга узун назынны, быжыг кадыкшылды күзеп, йөрээлдерин салырлар.

Ыдыктыг XIV Далай-Лама Башкывыс кижи төрелгетенниң төөгүзүнүң, амыдырал-чуртталгазының үндезин дөзүн тургузуп турар чугула үнелиг билиглерни доктаамал биске сагындырып, боду хуузунда ачы-буянныг, кээргээчел, эриг баарлыг чоруктуң, долгандыр делегейге ынакшылдың, амыдыралында салдынган кол сорулгазын чедип алырынга туруштуг болурунуң чижээ болуп чоруур.