Май 16-да Бүгү Таңды-Тывазының Ыдыктыг Бай-Тайганың улуг Оваазының девискээринге республиканың эр хиндиктиг чону-биле бир деңге, чонувустуң хей-аъдын, сүлде-сүзүүн бедидип, ниитилелге чогумчалыг чорукту, чаңгыс-аай демни чедип алыр сорулгалыг Улуг Дагылгазы болурун дыңнадып, Бүгү тыва чонну хүндүткел-биле чаладывыс!
Программада:
07:00 шакка чедир Бай-Тайганың Улуг Оваазынга чедип алыры;
10:00 - Бүгү Тываның "Таңды саны" судурунуң мөргүл номналының, дагылга ёзулалы;
12:00 - 14:00 - Дагылга соонда Ыдыктыг Оваадан "Тейлер" девискээринде "Чоксум" (Көп-Сөөк) хүрээзиниң чанынга келири;
Тейлерге болуп эртер хемчеглер:
12:00 - Бай-Тайга кожууннуң ус-шеверлеринин холдан кылган ажылдарының садыг-делгелгези;
14:00- Хемчеглерниң байырлыг ажыдыышкыны база байырлыг концерт;
15:00 - Бүгү Таңды-Тывазының Улуг Дагылгазынга тураскааткан Ыдык Айның шаңналы дээш эр улустуң үш-мөөрейи - Аът чарыжы, Ча адары , Тыва хүреш.
Бүгү чоннуң, чүдүкчүлерниң кичээңгейинге!
Оран таңдыга, бойдуска камныг, орук-чирикке озал-ондак болдурбазын,арыг-силигни, амыдыралдың айыыл чок чоруун сагып,агаар-бойдустуң аайынга таарышкан кылдыр идик-хептиг болурун, өртке удур дүрүмнерни, Ыдык «Сака Даваа» Айның негелделерин шыңгыы сагыырын, организастыг болгаш корум-чурумнуг байдалдарны хандырарын, мөргүл-номналдар, культура-массалыг болгаш спортчу хемчеглер үезинде, лама-башкыларга, бот-боттарыңарга улуг хүндүткелдиг болуруңарны диледивис.
Дагылга үезинде бурган-сагыызыннарга, оран-таңдының ээлеринге тейлеп, ыдыктыг тариналарны шээжилеп, чүдүп, сеткил-сагыжынарны арыглап, дыштанып, хөглеп алырыңарны күзеп, арыг сүзүктүг, бедик сүлделиг болуруңарны күзеп йөрээп, чалап тур.
Бай-Тайга кожуун чагыргазы, Тыва Республиканың Камбы-Лама эргелели.
