Каа-Хем кожууннуң Дерзиг-Аксы сумузунга чаңчыл езугаар аныяктар аразынга «Аныяктар чалгыы» деп турисчи слет болуп эрткен.
Аныяктар хүнүнге тураскааткан спортчу хемчегге Тываның агротехнология техникумундан, кожууннуң чагырга черинден, Суг-Бажы, Бүрен-Хем, Кундугсуг, Копту-Аксы, Бүрен-Аксы, Ильинкадан сумуларындан сес команда идепкейлиг киришкен.
Аныяктар арыг агаарга чадаг туризм техниказынга, дүнеки уг-шиг тыварынга, күжүн шенежип, хана-солуннар, баштанчылар, капитаннар мөөрейлеринге маргылдажып, бот-тывынгыр уран чүүлге салым-чаяанын көргүскен.
Ийи хүннүң дургузунда үргүлчүлээн маргылдааның түңнелдери-биле бирги черни Бүрен-Аксының, ийиги черни Копту-Аксының, үшкү черни Кундустугнуң демниг командалары тус-тузунда чаалап алган.
#Каа_хемкожуун #Дерзиг_аксы #Турисчислет #Аныяктархүнү #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
