Тываның көдээ ажыл-агый бараан бүдүрүкчүлериниң дыштаныр хүннүң садыглаашкын-ярмарказынга эрткен неделяда Мөңгүн-Тайга, Чөөн-Хемчик, Тес-Хем, Таңды болгаш Кызыл кожууннарның сайгарлыкчылары инек, сарлык, хой эъдин, сүттен кылган чем, дузаан ногаазын, кат-чимистен компот, варенье, шайлар, национал хептерни садып-сайгарган.
Таңды кожууннуң Балгазындан черлик үнүштер (кат-чимис, эм оъттар, тоорук) болбаазырадыр «Алдын чочагай» цехтиң бүдүрген барааннарын кызылчылар күзелдии-биле садып ап турган. Аныяк сайгарлыкчы Сайлык Ондар күрүнениң деткимчезин алгаш, оран-таңдызының хайырлаан байлаан болбаазырадыр дериг-херекселди четчелеп, ук цехти ажыткан.
Сайлык боду программист, өөнүң ээзи Айыр-Санаа аъш-чем бүдүрүлгезиниң технологу. Уругларынга Айыр-Санааның авазы Алла Анатольевна өмек-дөмек болуп чоруур. Ынчангаш өг-бүле бизнезиниң эге базымнары салдынган деп болур.
“Социал керээ” программазының киржикчизиниң биче бүдүрүлгезинде честек-кат, көк-кат, инек-караа, чыжыргана, тыква, хадының ине бүрүлеринден вареньени хайындырып, хадының ине бүрүлеринден болгаш ыт кадындан шайларны кылып турар.
Аныяк сайгарлыкчы шайдан аңгыда, хадының ине бүрүлеринден варенье база хайындырып турар. Эм-дом шынарлыг шай биле вареньени кады ажыглаарга, халдавырлыг аарыглар үезинде мага-боттуң иммунитедин быжыглаар.Тываның көдээ ажыл-агый бараан бүдүрүкчүлериниң дыштаныр хүннүң садыглаашкын-ярмарказынга эрткен неделяда Мөңгүн-Тайга, Чөөн-Хемчик, Тес-Хем, Таңды болгаш Кызыл кожууннарның сайгарлыкчылары инек, сарлык, хой эъдин, сүттен кылган чем, дузаан ногаазын, кат-чимистен компот, варенье, шайлар, национал хептерни садып-сайгарган.
Таңды кожууннуң Балгазындан черлик үнүштер (кат-чимис, эм оъттар, тоорук) болбаазырадыр «Алдын чочагай» цехтиң бүдүрген барааннарын кызылчылар күзелдии-биле садып ап турган. Аныяк сайгарлыкчы Сайлык Ондар күрүнениң деткимчезин алгаш, оран-таңдызының хайырлаан байлаан болбаазырадыр дериг-херекселди четчелеп, ук цехти ажыткан.
“Социал керээ” программазының киржикчизиниң биче бүдүрүлгезинде честек-кат, көк-кат, инек-караа, чыжыргана, тыква, хадының ине бүрүлеринден вареньени хайындырып, хадының ине бүрүлеринден болгаш ыт кадындан шайларны кылып турар.
Аныяк сайгарлыкчы шайдан аңгыда, хадының ине бүрүлеринден варенье база хайындырып турар. Эм-дом шынарлыг шай биле вареньени кады ажыглаарга, халдавырлыг аарыглар үезинде мага-боттуң иммунитедин быжыглаар.
